Þetta hefst af því að kaupa of marga flatskjái: Ekki Íslendingar heldur ESBingar

Össur Skarphéðinsson, Jóhanna Sigurðardóttir og Kristján Möller sátu í ríkisstjórn í 18 mánuði fyrir bankahrun. Þau bera auðvitað enga ábyrgð á bankahruninu heldur landsmenn sem settu þjóðarbúið á hausinn með því að kaupa of mikið af flatskjáum.

Ráðherrar samfylkingarinnar sem stýrðu þjóðarbúinu í 18 mánuði fyrir hrun vissu auðvitað ekki neitt um stöðu þjóðarbúsins og sögðu ekki einu sinni landsmönnum að hætta að kaupa svona mikið af flatskjáum.

Núna er samfylkingin sem ber auðvitað enga ábyrgð á bankahruninu, hafði ekki hugmynd um að almúginn væri að kaupa allt of mikið af tölvuskjám og fengu bara óvart styrki frá glæpamönnum sem stunda mikinn innflutning og langar til að landið sé enn þá opnara fyrir þá sem vilja gera góða díla á Íslandi, að leysa vandamálið sem hún ber auðvitað enga ábyrgð á án þess að sjá nokkra ástæðu til þess að spyrja almúgann sem keypti of mikið af flatskjáum hvort að þeim langi til þess að vera útlendingar, ESBingar.

Ísland verður aldrei nema jaðarríki í hinu mikla valdabákni ESB sem fyrst og fremst hugar að hagsmunum nýlenduveldanna í ESB.

Nýlenduveldanna sem eru búin að leggja undir sig markaði í Austurevrópu og eyðileggja sjálfsbjargargetu þessara landa að mati þeirra sem vel til þekkja á þeim slóðum.

Búið að sækja um ESB-aðild

Af hrekkjusvínum og hreppsómögum

Í haust vaknaði ég upp í leikhúsi fáránleikans. Kjölfestufjárfestir sem búsettur er í London var búin að hafa hundruð milljarða af breskum innistæðueigendum. Ég átti nú von á því að Bretar myndu verða reiðir við hann, heimta að hann borgaði skuldir sínar og reka hann úr landi.

Gordon Brown varð rosalega reiður enda mega Bretar ekki við því að missa svona mikla peninga. Þeir þurfa jú að geta haldið uppi hreppsómögunum í Buckingham húsinu í London enda góðir við aumingja sem geta ekki unnið.

Mér var nokkuð brugðið þegar að Gordon fór að heimta að börnin mín myndu borga skuldir kjölfestufjárfestisins. Geir og Solla vildu ekki tala við Gordon og finnst hann vera hrekkjusvín en Davíð varð fúll og vildi ekki borga skuldir fjármálasnillingsins og kjölfestufjárfestisins sem enn er auðfúsugestur í heimabæ fjárfrekustu hreppsómaga Bretlands.

Gordon sem er hrekkjusvín, eins og fram hefur komið, setti sig í samband við ESB og IMF og Hollendinga og lagði á ráðin með einelti aldarinnar en hann talaði ekki við kjölfestufjárfestinn sem hafði komið honum í þessi vandræði. Gordon hefur alltaf verið vingjarnlegur við kjölfestufjárfestinn og ráðlagði meira að segja sveitafélögum og góðgerðastofnunum að setja peningana sína inn á reikning hjá kjölfestufjárfestinum. Innistæðurnar á reikningum kjölfestufjárfestisins bólgnuðu því mjög hratt.

Kjölfestufjárfestirinn naut mun meira traust heldur en börnin mín sem ekki fengu að opna bankaútibú í Hollandi. Davíð var búin að segja Sollu og Geir frá því að bankarnir væru í djúpum skít en samt fékk kjölfestufjárfestirinn sem ekki naut trausts lengur að opna útibú í Hollandi og safna þar fullt af peningum. Hrein snilld!

Solla vissi strax hvað gera skyldi þegar að bankarnir hrundu. Hún var ekkert að uppnefna kjölfestufjárfestinn eða álasa honum fyrir kæruleysi sitt heldur setti traust sitt á vin Gordons hann Olle sem er mjög hrifin af auðlindum Íslendinga. Vinir hennar Sollu uppnefndu Íslendinga og kölluðu þá lýðskrumara og úrtölumenn þegar þeir reyndu að benda á að eitthvað væri óvenjulegt við þessar aðstæður. Geir var frekar dapur og pirraður á þessari heimsku þjóð og kallaði hana skríl og vildi ekki að hún væri að kvarta yfir kjölfestufjárfestinum og kallaði það nornaveiðar.

Birni fannst þjóðin líka vond og sendi sérsveit sína af stað og lét hana sprauta úða á vitleysingana sem voru ekki heima hjá sér að horfa á flatskjái sína sem þeir voru búnir að eyða 12.000.000.000.000 í að kaupa sér í góðærinu.

Skríllinn varð ekkert hrifin af háttalagi Geirs og vina hans sem höfðu þegið höfðinglegar gjafir frá kjölfestufjárfestunum og rak þá úr stjórnarráðinu. Kjölfestufjárfestirinn er búin að kaupa fullt af fjölmiðlum. Hann gefur stjórnmálamönnum voða mikla peninga og lætur fréttamenn plata fólk og ræður hverjir stjórna á Íslandi.

Skríllin sem horfir mikið á flatskjái sína og hlustar mikið á fréttamennina og fréttakonurnar ákvað að leyfa vinum hennar Sollu sem nutu líka gjafmildi kjölfestufjárfestanna að vera áfram í stjórnarráðinu. Gordon segir að Solla sé búin að lofa því að börnin mín skulu borga allar skuldir fjárfestisins og segist vera í liði með Dominic Krauss sem þrætir fyrir það að vera vinur Gordons enda er hægt að skammast sín fyrir minna.

Börnin sem eru að borga skuldir kjölfestufjárfestisins eru byrjuð að vera svöng en Jóhanna vill tala við Olle sem hefur heldur ekki viðurkennt að vera vinur Gordons og sem finnst við eiga svo fínar auðlindir. Olle á voða fín embætti sem hann gefur nokkrum einstaklingum ef við viljum leifa honum að kíkja á auðlindirnar okkar og hann getur greitt götur kjölfestufjárfestisins sem hefur verið voða góður við vini Jóhönnu. 

Öll nöfn í þessari sögu eru dulnefni en tilgangurinn með því er að vernda þá sem njóta bankaleyndar.

ESB og IMF senditíkur Browns

Brown mynnir mig á samfylkuna þegar hann reynir að kjafta sig út úr gagnrýni. Margir Íslendingar hafa því miður trúað heimskuhjali samfylkingarinnar sem flaut inn á þing á þvættingi. Viðbúið er að Bretar trúi í svipuðum mæli þvættingnum í Brown.

Forgangsmál að Íslendingar borgi

Lýðveldið Nýja Ísland

Það er sama hvert horft er, til stjórnmálanna, stjórnsýslunnar, fjármálakerfisins og viðskipta alls staðar blasir við tómt rugl.

Kröfur um lýðræði eru slegnar út af borðinu af stjórnmálamönnum, fólk er að missa heimilin sín og á varla fyrir mat auk þess sem það þarf að þiggja ölmusur.

Þess vegna ætla ég að stofna Nýtt Lýðveldi sem verður kallað NÝJA ÍSLAND og gefa skít í hitt Íslandið í minni orðræðu. Fyrir þá sem vilja vera með mér í hinu nýja lýðveldi bendi ég á þessa síðu. Velunnarar hins nýja lýðveldis finna leiðbeiningar um þátttöku borgara sem hafa áhuga á réttlæti og bræðralagi gegn kúgandi valdkerfi neðst á síðunni.  Þið getið alveg verið róleg ég ætla ekkert að vera forseti en öllum þeim sem langar að vera forsetar mega það. Þeirri stöður fylgir sá heiður að þeir sem eru kallaðir forsetar mega hengja eitthvað drasl á fólk og kalla það að því sé sýndur heiður.

Í Nýja íslandi verða sett nokkur markmið:

Burt með Alþjóðagjaldeyrissjóðinn

Fólkið í landinu skiptir mestu máli

Allar fjölskyldur eiga rétt á heimili, mat, heilbrigðisþjónustu og menntun

Aðildarviðræður um ESB eru ótímabærar og gjaldeyriseyðsla

Nýta orku á arðbæran hátt fyrir þjóðina

Vernda skal náttúru landsins

Fólk á að hjálpast að í kreppu

Ekkert barn á að vera svangt

Tryggja matvælaöryggi á Nýja Íslandi

Vera dálítið hallærislegur og styðja það smáa og gjöfula

Frelsa atvinnulífið úr helsi lénsherraveldis, hafta, vanhæfra eftirlitsstofnanna, einokunar og samþjöppunar

Taka auðlindaskatt af stóriðju

Taka kvótann af lénsherrunum

Frelsa matvælaframleiðslu á Íslandi

Ekki samþykkja inngöngu í ESB næstu 3 árin

Vinna sjálf upp styrk krónunnar með því að skapa verðmæti en ekki skuldir

Reka fólk út að vinna með öllum ráðum

Í þessu lýðveldi eru allir jafnir og þverpólitískir

Lög lýðveldisins:

Lög nr 1. 2009

1. gr. Bannað að plata.

2. gr. Bannað að sýna þrælslund og trúa vörnum valdhafanna.

Hver sem er má koma með tillögu að viðbótum sem lagðar verða fyrir forsetaráð

Þeir sem vilja vera með geta valið um að skrá sig í kommentakerfið, senda link á önnur blogg eða heimasíður, gerst bloggvinir eða sent tölvupóst á [e-mail]

Tilgangur þessa bloggs er að skapa umræðu um það hvernig við viljum móta nýja Ísland.

Ég gef þá yfirlýsingu hér að stjórnmálamönnum er ekki treystandi fyrir því verkefni eftir fréttir undangenginna daga.

Nýjum þegnum er bent að lesa á þessa grein og þessa grein.

prufa

...